ജലദൗര്ലഭ്യം കൂടുതലാവുകയും ലോകത്താകമാനം ജലആവാസ വ്യവസ്ഥ നാശത്തിന്റെ വക്കിലെത്തി നില്ക്കുകയും ചെയ്യുന്ന സാഹചര്യമാണ് നിലനില്ക്കുന്നത്. ശിലാദ്രാവകത്തേക്കാള് (പെട്രോള് മുതലായ ഇന്ധനങ്ങള്) ഏറ്റവും അത്യാവശ്യമായ ജലത്തിന്റെ ദൗര്ലഭ്യം ആഗോളപ്രശ്നമായി ഉയര്ന്നുവരുന്നു. ജീവന്റെ നിലനില്പിന് ഏറ്റവും അത്യാവശ്യമായതാണല്ലോ ജലം. ലോകരാഷ്ട്രങ്ങളെല്ലാം ജലസംരക്ഷണത്തിന് പ്രാധാന്യം കൊടുക്കുന്നുണ്ടെങ്കിലും ജല ദൗര്ലഭ്യം സങ്കീര്ണമായിക്കൊണ്ടിരിക്കുകയാണ്.
ഒരു പ്രദേശത്തെ കാര്ഷിക വിള, ഗതാഗതം, വ്യവസായങ്ങള്, പാര്പ്പിടം തുടങ്ങി മനുഷ്യന്റെ വികസനങ്ങളെല്ലാം തന്നെ ജലലഭ്യതയെ ആശ്രയിച്ചാണ്. അതുകൊണ്ടു തന്നെ ജലഉപയോഗത്തെ തുടര്ന്നുള്ള പാരിസ്ഥിതിക പ്രശ്നങ്ങള് വര്ധിക്കുന്നു എന്നത് അത്ഭുതകരമല്ല. ഉദാഹരണത്തിന് ഡാമുകളുടെ എണ്ണത്തിന് ആനുപാതികമായി ലോകത്താകമാനം നദികള് കീറിമുറിക്കപ്പെടുകയും അവയുടെ നാശത്തിന് കാരണമാവുകയും ചെയ്യുന്നുണ്ട്. Continue reading
